10 noyabr bəyanatından indiyədək
Azərbaycan hərbçisinə aid 396 meyit qalığı işğaldan azad edilmiş ərazidən tapılaraq götürülüb
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi, İşçi qrupunun rəhbəri İsmayıl Axundov bildirib ki, 10 noyabr bəyanatından indiyədək Azərbaycan hərbçisinə aid 396 meyit qalığı işğaldan azad edilmiş ərazidən tapılaraq götürülüb
SəhərAzəri-nin məlumatına əsasən,İ.Axundov bu əməliyyatın Qarabağda yerləşən Rusiya sülhməramlı kontingentinin və Beynəlxalq Qızıl Xaç Komitəsinin (BQXK) vasitəçiliyi ilə həyata keçdiyini bildirib: “Tərəflər işğaldan azad olunmuş ərazilərdə birgə axtarış-araşdırma işləri aparıb və tapılmış meyit qalıqları tərəflərə təhvil verilib”, deyə dövlət rəsmisi bildirib.
İ.Axundov deyib ki, prosesdən keçən müddət ərzində 396 Azərbaycan hərbçisinə aid meyit qalığı işğaldan azad edilmiş ərazidən tapılaraq götürülüb. Tapılmış meyit qalıqları Hərbi Prokurorluğun nəzarəti ilə Daxili İşlər Nazirliyinin (DİN) və Səhiyyə Nazirliyinin aidiyyəti laboratoriyalarında eyniləşdirilərək ailələrinə təhvil verilib və dəfn edilib.
