Azərbaycanlı politoloq Sionist rejimin vandallığını qınadı
Əhəd Məmmədli: İsrail bütün etdiklərinin bədəlini ödəyəcək
Azərbaycan Respublikasında Ağ Partiyanın başqan müavini sionist rejimin Əl-Əqsadakı vandallığını qınayıb.
SəhərAzəri-nin məlumatına əsasən, politoloq Əhəd Məmmədli öz Facebook hesabında Əl-Əqsa məscidinə hücumla bağlı yazır: "İsrail Ramazan ayında yenə müsəlmanlara sataşdı. İslamın 3 müqəddəs yeri sayılan Qüdsdə sionist rejim yenə müsəlmanlara qarşı qətliam etdi. Şəhid olanlar arasında çocuq da var. Allah şəhidlərimizə rəhmət etsin."
Partiya funksioneri qeyd edib ki, Slava Ukrayna yazıb timsah göz yaşları tökənlər müsəlmanların qətliamına susurlar. "Yəqin qəhrəmanınız Zelenski də qatil İsraili yenə dəstəkləyər. Amerikanın metresi olan İsrail bütün etdiklərinin bədəlini çox böyük ödəyəcək. Buna mənim heç şübhəm yoxdur" , - deyə Əhəd Məmmədli vurğulayır.
Onun fikrincə, tarix boyu müsəlmanlar yahudiləri xristian qətliamları, soyqırımlarından xilas etdi. Bunun "sağolu" olaraq yahudilər xristianların dəstəyi ilə müsəlmanları qırırlar.
