Ermənilər avqustun 31-dək Laçından keçə biləcəklər

Avq 27, 2022 11:43 Asia/Baku

Ermənilərin Laçın dəhlizindən keçmələri üçün onlara daha beş gün vaxt verilib.

SəhərAzəri-nin məlumatına əsasən, cümə günü Azərbaycan Silahlı Qüvvələri Laçına daxil olduqdan sonra erməni tərəfi bəyanatla çıxış edib ki, avqustun 31-dək Laçın dəhlizi ermənilər üçün açıq olacaq. Həmin müddətdə vətəndaşların Ermənistandan Qarabağa və geriyə təhlükəsiz gediş-gəlişini rusiyalı sülhməramlılar təmin edəcək. Göstərilən müddətdən sonra hərəkət Laçına alternativ yeni yol ilə həyata keçiriləcək.

Azərbaycan hələlik Laçından hərəkət qaydasını şərh etməyib. Rusiya sülhməramlıları da hələlik bu məsələ ilə bağlı açıqlama verməyib.