İran-Azərbaycan Respublikası əlaqələri müsbət addımlar istiqamətindədir
İran prezidentinin siyasi məsələlər üzrə müşaviri vurğulayıb ki, İran-Azərbaycan Respublikası əlaqələri problemlərin həlli və müsbət addımların atılması istiqamətində qərar tapıb.
Azərbaycan Respublikasına səfər edən Mehdi Sənayi «X» sosial şəbəkəsindəki şəxsi hesabında yaydığı mesajda bu səfər və Azərbaycan Respublikası prezidenti ilə görüşü haqda məlumat verib.
Öz mesajında «Bu gün Azərbaycan Respublikasının möhtərəm prezidenti İlham Əliyevlə görüşdüm»- deyən Mehdi Sənayi qeyd edibdir ki: Görüşdə iki ölkə əlaqələrinin müxtəlif istiqamətləri, həmçinin region məsələləri iki saata yaxın müddətinə nəzərdən keçirildi, barələrində söhbət edildi.
İki ölkə münasibətləri problemlərin həlli və əlaqələrin genişləndirilməsi üçün müsbət addımların atılması istiqamətində qərar tapıb- deyə, İran prezidentinin siyasi məsələlər üzrə müşaviri vurğulayıb.
İran İslam Respublikasının prezidenti Məsud Pezeşkiyan martın otuz birində Azərbaycan Respublikasının prezidenti İlham Əliyevlə qurduğu telefon əlaqəsində səadətli Fitr bayramını təbrik etməklə yanaşı, özünün Azərbaycan Respublikasına olacaq qarşıdakı səfərinə işarə edib.
Ümid edirəm ki, səfər əsnasında iki qonşu xalqın dostluğu və qardaşlığı, həmçinin qarşılıqlı əlaqələrin genişləndirilməsi və gücləndirilməsi istiqamətində təsirli və uğurlu məşvərətlər apara biləcəyik- deyə, Məsud Pezeşkiyan bildirib.
Azərbaycan Respublikasındakı bir informasiya agentliyinin məlumatına əsasən, İran İslam Respublikasının prezidenti Məsud Pezeşkiyan tezliklə Bakıya yola düşəcək.Trend informasiya agentliyi bu gün İran səfirliyindəki məlumatlı mənbəyə istinadla yazıbdır ki, İran prezidentinin Azərbaycan Respublikasına səfəri cari aprel ayına planlaşdırılır.
