Türkiyənin hərbi hava qüvvələrinin onlarla F-16 və F-4 qırıcı təyyarələri İraqın şimalında PKK qrupunun mövqelərini bombardman ediblər.

Səhər Beynəlxalq Televiziyasının Səma telekanlına istinadla verdiyi məlumata görə, 35 F-16 və 18 F-4 qırıcı təyyarəsi ötən gecə İraqın şimalında Qəndil dağlarında Kürdüstan Fəhlə Partiyası PKK-nın mövqelərini bombalayıb.


İlkin məlumatlara görə, PKK ünsürlərindən 35-40 nəfər bu hücumlarda öldürülüb.


Qeyd edək ki, bazar günü Türkiyə ordusunun iki zirehli avtomobili Hakkari vilayətinin Yüksəkova şəhərində partladılmışdı. Partlayış ardınca bölgədə qarşıdurmalar baş verib və onlarla Türkiyə hərbçisi həlak olub və yaralanıb.


Türkiyə ordusu bu hücumun tələfatını 16 nəfər elan edib.


Türkiyə hökuməti bazar günü hücumun ardınca PKK qruplaşmasını məhv edəcəyinə söz verib.