Türkiyə qırıcı təyyarələrinin Kürdüstan Fəhlə Partiyası PKK-nın İraqın şimalı və Türkiyənin cənub-şərqindəki mövqelərinə hücumları yüz PKK-çının ölümü ilə nəticələnib.

Səhər Beynəlxalq Televiziyasının məlumatına görə, Türkiyənin xəbər telekanalları bildiriblər ki, Türkiyənin F-16 və F-4 qırıcı təyyarələri İraqın şimalında Sinat və Həftanin bölgələrində PKK-nın mövqelərinə hücum edib və onların silah-sursat və ərzaq maddələri olan anbarlarını dağıdıblar.
Bu arada təhlükəsizlik dairələri Türkiyə ordusunun hava hücumlarında 55-60 silahlının öldürüldüyünü bildiriblər.
Türkiyənin F-16 qırıcı təyyarələri həmçinin ölkənin cənub-şərqində Tuncəli vilayətinin tabeliyində olan Ovacıq bölgəsi ətrafında PKK-nın mövqelərini bombalayaraq 30-40 separatçını öldürüblər.