ABŞ gizli şəkildə Avropada 150-yə yaxın nüvə bombası yerləşdirib
Nüvə Silahlarının Ləğv edilməsi üzrə Beynəlxalq Kampaniya ABŞ-ın gizli şəkildə beş Avropa ölkəsində 150-yə yaxın nüvə başlığı yerləşdirdiyini bildirib.
SəhərAzəri-nin məlumatına əsasən, Nüvə Silahlarının Ləğv edilməsi üzrə Beynəlxalq Kampaniya ICAN-ın siyasət və tədqiqat koordinatoru Alisiya Sanders-Zakre bu barədə bildirib ki, ABŞ rəsmi açıqlamalar olmadan Belçika, Almaniya, İtaliya, Hollandiya və Türkiyədəki Amerika hava bazalarına 150-yə yaxın nüvə bombası yerləşdirib.
ICAN-ın koordinatoru əlavə edib: "Amerikanın nüvə silahının Avropada yerləşdirilməsi ilə bağlı heç bir ictimai təsdiq və ya təkzib olmasa da, biz bilirik ki, ABŞ-ın nüvə silahları Avropanın beş ölkəsində yerləşdirilib".
Sanders-Zakrenin sözlərinə görə, nüvə silahının Avropa ölkələrində yerləşdirilməsi ICAN-ı çox narahat edir.
O, belə bir vəziyyətin nüvə müharibəsi riskini artıra biləcəyinə diqqət çəkib.
