SAHAR

Atom Enerjisi üzrə Beynəlxalq Agentliyin baş direktoru inkişaf etmiş nüvə ölkələrindən istifadə olunmuş nüvə yanacağı və radioaktiv tullantılara nəzarət sahəsində öz elm və təcrübələrini yenicə dirçələn və az təcrübəli ölkələrə vermələrini istəyib.

Səhər Beynəlxalq Televiziyasının İRNA-ya istinadlı məlumatına görə, AEBA baş direktoru Yukiya Amano çərşənbə axşamı günü Vyanada keçirilən istifadə olunan nüvə yanacaqlarının idarə olunması konfransında istifadə olunan nüvə yanacaqlarının həcminin dünyada artmaqda olduğuna toxunaraq bu yanacaqların düzgün idarə olunmasını vacib və əsaslı məsələ adlandırıb.
Qeyd olunan konfrans hər 3-5 ildə bir dəfə nüvə texnologiyasına malik bütün ölkələrdən nümayəndələrin iştirakı ilə bu təşkilatın Vyanadakı qərargahında keçirilir və məqsəd bu ölkələrdə istifadə olunan nüvə yanacaqlarına nəzarət üçün təsirli tədbirlərin görülməsidir.
AEBA baş direktoru Finlandiya, İsveç və Fransanın belə yanacaqlara nəzarət barəsində son nailiyyətlərinə toxunaraq deyib: Hələlik istifadə olunan yanacaqlar və radioaktiv tullantılar üçün xüsusi anbarların yaradılması və istifadəsi zamanına qalıb.
Bu agentliyin yenicə dirçələn ölkələri tam şəkildə dəstəklədiyini deyən Amano istifadə olunan nüvə yanacaqları və radioaktiv tullantılara nəzarətə dair proqramlar və tədbirlərin əhəmiyyətini vurğulayıb.