SAHAR

Türkiyə təhlükəsizlik rəsmiləri bu ölkə qırıcı təyyarələrinin İraqın şimalına hücumlarının davam etdiyini bildiriblər.

Səhər Beynəlxalq Televiziyasının World Bulleten xəbər portalına istinadla verdiyi məlumata görə, Türkiyə təhlükəsizlik rəsmiləri bildiriblər: Türkiyə qırıcı təyyarələrinin İraqın şimalına hücumları cümə axşamı gecədən cümə günü səhərə qədər davam edib və bu hücumlarda Türkiyə Kürdüstan Fəhlə Partiyası PKK-nın mövqeləri hədəfə alınıb.


İraqın şimalına hücumda 15 qırıcı təyyarənin iştirak etdiyini bildirən Türkiyə təhlükəsizlik rəsmiləri əlavə ediblər: Bu hücumlar İraqın şimalında 3 dağlıq ərazisində həyata keçirilib.


Türkiyə baş naziri Əhməd Davudoğlu cümə axşamı günü Türkiyə hava qüvvələrinin İraqın şimalında PKK mövqelərinə qarşı hücumlarının artdığına toxunaraq deyib: Bu hücumlar PKK ünsürlərinin Türkiyə sərhədlərindən geri çəkilməsi üçün faydalı nəticələr əldə edib.


Bazar günü PKK-nın Hakkari vilayətinin Dağlıca sərhəd məntəqəsinə hücumunda 16 türk hərbçisini öldürməsindən sonra Türkiyə ordusu qırıcı təyyarələri PKK-nın mövqelərinə hava hücumlarını artırıblar.


Türkiyə hökuməti bu hücumlarla PKK-nı məhv edəcəyinə söz verib.