Rusiya Xarici İşlər Nazirliyinin Silahlara Nəzarət İdarəsinin rəhbəri bildirib ki, ABŞ-ın İranın raket təhdidi barəsindəki iddiaları Avropanı Rusiya ilə qarşı-qarşıya qoyur.

Səhər Beynəlxalq Televiziyasının məlumatına görə, Mixail Ulyanov Sputnik İnformasiya Agentliyinə verdiyi müsahibədə deyib: Texniki cəhətdən İran Avropa üçün heç bir təhdid deyil. Çünki İran raketlərinin 2 min km-dan az mənzili vardır və Tehranın öz raketlərinin mənzilini artırmaq üçün səyi ilə bağlı heç bir nişanə görünmür.
Ulyanov əlavə edib: Raket texnologiyasının nəqli yalnız BMT Təhlükəsizlik Şurasının qətnamələrinə uyğun şəkildə mümkün olacaq və İranın raket təhdidi barəsində ABŞ-ın irəli sürdüyü gümanlar Rusiyanın nüvə qüdrətinə xələl gətirmək məqsədini daşıyır.
Rus rəsmisinin sözlərinə görə, Rusiyanın Rus Atom Şirkəti ilə İranın Atom Enerjisi Təşkilatındakı sıx əməkdaşlıq Vyana anlaşması çərçivəsində davam edir.