Türkiyənin hakim Ədalət və İnkişaf Partiyasının ali qurultayı bu ölkənin keçmiş nəqliyyat nazirini partiyanın sədri və ölkənin yeni baş naziri vəzifəsinə təyin edib.

Röytersin verdiyi məlumata görə Binalı Yıldırım bu gün AKP-nin yeni sədri və ölkənin yeni baş naziri vəzifəsinə təyin olunub.

Məlumata görə, Yıldırım Ədalət və İnkişaf Partiyası qurultayının 405 üzvünün hamısının səsini qazana bilmişdir.

AKP-yə yeni sədr və ölkəyə yeni baş nazir ona görə təyin olunur ki, keçmiş sədr və baş nazir Əhməd Davudoğlu prezident Rəcəb Təyyib Ərdoğanla fikir ixtilaflarına malik olduğuna görə may ayının 5-də öz vəzifəsindən istefa verdi.