Ş.Koreya yeni ballistik raketini təqdim edib
Şimali Koreya bu gün bu ölkənin paytaxtı Pxenyanda geniş hərbi parad ilə bir vaxtda ilk dəfə olaraq, sualtı qayıqlardan atıla bilinən ballistik raketlərini nümayiş etdiribdir.
Röyters-in məlumatına görə, Şimali Koreyanın dövlət televiziyası sualtı qayıqlardan atılmaq qabiliyyətinə malik olan "Pukkuksong-2" ballistik raketlərinin təsvirlərini yayıbdır. Yük maşınları üzərində yerləşdirilmiş bu raketlər Şimali Koreyanın rəhbəri Kim Çen In-ın qarşısından keçibdir.
Şimali Koreya həmçinin bu gün Amerikaya xəbərdarlıq edibdir ki, öz "hərbi divanəliyi"nə son qoysun, zira əks halda, Pxenyanın cavab addımları ilə üzləşəcəkdir.
Şimali Koreyanın ordusu da dünən Birləşmiş Ştatların Koreya yarımadasındakı avantürası haqda xəbərdarlıq edərək, bildirib ki, ABŞ-ın Şimali Koreyaya təcavüz edəcəyi halda, Vaşinqton Pxenyandan dağıdıcı cavab alacaqdır.
Amerika ötən günlərdə "USS Karl Uinson" tipli aviadaşıyıcısının Koreya yarımadasına doğru hərəkət etməsindən xəbər vermişdi.
Rəsmi Pxenyan dəfələrlə vurğulayıbdır ki, Birləşmiş Ştatların və onun müttəfiqlərinin Şimali Koreyaya qarşı təhdidlərini davam etdirəcəkləri zamanadək bu ölkə də özünün önləyici hücum bacarığı və hərbi qabiliyyətlərini yüksəltməkdə davam edəcəkdir.
