Yunanıstanda anti-rasizm aksiyası
Yunanıstan paytaxtının sakinləri simvolik bir aksiya keçirərək, amerikalı qaradərililərin anti-rasizm hərəkatı ilə həmrəylik elan ediblər.
SaharAzeri xəbər verir, dünyanın müxtəlif bölgələrində irqi ayrı-seçkiliyə qarşı aksiyaların davamında Yunanıstanın paytaxtı Afinanın sakinləri də Amerikada anti-rasizm hərəkatı ilə həmrəylik ifadə etmək məqsədilə əlləri qandallı surətdə aksiya keçiriblər.
Bu simvolik aksiyanın iştirakçıları öz şüarlarında Amerika hökumətinin rasizminə etiraz edərək, bu ölkə prezidenti Donald Trampın dünya səviyyəsindəki müdaxilə mahiyyətli siyasətlərini pisləyiblər.
Mayın 25-də ağdərili polis tərəfindən afroamerikalı Corc Floydun vəhşicəsinə qətlə yetirməsindən sonra bütün Amerika və Avropada anti-rasizm aksiyaları davam etməkdədir.
