COVİD-19 ilə daha bir gün;
Dünyada koronavirus infeksiyasına yoluxanların sayı artır
Dünya üzrə COVID-19 virusuna yoluxanların sayı 25 milyon 100 min nəfəri ötüb.
Səhər Azəri bildirir ki, pandemiyanın statistikasını aparan Worldometer saytının məlumatına görə dünyada sutka ərzində 7 mindən çox yoluxma halı aşkarlanıb, 778 nəfər həyatını itirib.
Saytın son məlumatına əsasən, hazırda dünya üzrə koronavirus infeksiyasına yoluxanların sayı 25 164 818 nəfərə, ölənlərin sayı isə 846 757 nəfərə çatıb. Eyni zamanda, 17,5 mindən çox insan COVID-19 xəstəliyindən sağalıb, 6 810 545 xəstənin müalicəsi davam edir.
Xatırladaq ki, Çin hökuməti 2019-cu il dekabrın 31-də Hubey əyalətinin Uxan şəhərində naməlum pnevmoniyanın yayılmağa başladığı barədə Ümumdünya Səhiyyə Təşkilatını məlumatlandırıb. Mütəxəssislər xəstəliyə yeni koronavirusun səbəb olduğunu müəyyənləşdirib. Martın 11-də koronavirus infeksiyasının yayılması pandemiya elan edilib.
