SAHAR

Qazaxıstandan Türkiyəyə ixrac yükləri daşıyan ilk tranzit qatarı dünən Tehranın dəmir yolu vağzalından Türkiyəyə yola düşüb.

SəhərAzəri-nin məlumatına əsasən, Konteynerlərdə Qazaxıstanın kükürd yükünü Avropaya daşıyan ilk Qazaxıstan-Türkmənistan-İran-Türkiyə dəmir yolu tranzit qatarı iyunun 17-də İncə-Burun sərhəddindən İrana daxil olub. 

Bu addım yüklərin Qazaxıstan, Türkmənistan və İran dəhlizindən Türkiyəyə, oradan da Avropaya daşınması üçün tranzit dəhlizinin aktivləşdirilməsi məqsədilə atılıb.

İRİB-in məlumatına görə, İranın Dəmir Yolu Şirkətinin baş direktoru Miad Salehi Qazaxıstan-İran-Türkiyə strateji dəmir yolu xəttinin aktivləşdirilməsi ilə bağlı bildirib ki, yeni tranzit dəhlizi Qazaxıstan, Türkmənistan, İrandan Türkiyə və Avropaya gedən marşrutdur və oradan da Çindən Qazaxıstana gələ bilər və ya Qazaxıstandan yük daşıya bilər.

İranın Dəmir Yolu şirkətinin direktor müavini Mürtəza Cəfəri də bildirib ki, yaxın gələcəkdə 5 milyon tona yaxın yük İranın dəmir yolları vasitəsilə Avropaya tranzit olunacaq. 

Bununla əlaqədar olaraq, bazar günü axşam İran prezidenti Seyid İbrahim Raisi və Qazaxıstan prezidenti Kasım-Jomart Tokayev arasında keçirilən görüşdə iki ölkə arasında 9 əməkdaşlıq sənədi imzalanıb ki, onlardan biri də İran və Qazaxıstanın dəmir yolları rəhbərləri tərəfindən imzalanan dəmir yolu əməkdaşlığına dair sazişidir.