Gənc iranlı tədqiqatçılar su istehlakında qənaətə kömək üçün "İsti suyun təkrar dövriyyəsi" adlı bir aparat ixtira ediblər.

İstehsalçı qrupun tədqiqatçılarından olan xanım Haşemi deyib: Bəzi şəxslər ya adətə, ya da ki, ehtiyaca görə, əl-üzlərini və qab-qacağı yumaq üçün mütləq şəkildə isti sudan istifadə edirlər. Kranın açılmasından suyun qızmasınadək olan müddətdə soyuq suyun bir hissəsi hədər gedir.

O, əlavə edib: Hesablamalara əsasən, bu adət səbəb olur ki, hər şəxs bu yolla ayda orta hesabla 500 litr suyu israf edir.

Gənc kermanlı tədqiqatçı cənab Dəryabeyginin ixtira etdiyi aparatın iş prinsipi bu suyun hədər getməsinin qarşısını almaqdır. Proqnoz edilir ki, bu aparatdan istifadə ilə hər il adambaşına təqribən altı min litr suyun hədər getməsinin qarşısı alınacaq.