İranın mədəni irs, turizm və əl işləri sənayesi naziri deyib ki, Amerikanın İrana qarşı zalımcasına sanksiyalarına rəğmən, 2019-cu il martın 22-dən sentyabrın 22-dək İrana dörd milyon xarici turist gəlib.

İranın mədəni irs, turizm və əl işləri sənayesi naziri Əli Əsğər Munesan bu gün Zahidan şəhərində ümumdünya turizm konfransında əlavə edib ki, 2018-ci ildə İrana yeddi milyon 800 min turist səfər edib.

Munesan bildirib ki, gələcək turizm sənayesinə aiddir. O, qeyd edib: İran bütün turizm sektorlarında münasib imkanlara malikdir ki, bu sahənin tanınması və təqdimi üçün bir çox işlər görülübdür.

Ümumdünya turizm günü konfransı bu gün İranın cənub-şərqində yerləşən Sistan və Bəluçestan vilayətinin mərkəzi- Zahidan şəhərində keçirilib.