İranın çimərlik futbolu komandası bu idman növü üzrə qitələrarası kubok yarışlarının qrup mərhələsinin ilk günündə Paraqvay yığmasını altı-iki hesabı ilə məğlub etməyə müvəffəq olub.

SəhərAzəri-nin məlumatına əsasən, İranın çimərlik futbolu millisi qitələrarası kubok yarışlarında çempionluğa real namizədlərdən biri sayılır.

İranın çimərlik futbolu komandası bu yarışlardakı ikinci oyununda bu gün Bakı vaxtı ilə axşam saat səkkizdə Amerika yığması ilə qarşılaşacaq.

Çimərlik futbolu üzrə qitələrarası kubok yarışları səkkiz komandanın iştirakı ilə iki qrupda əmirliklərin Dubay şəhərində keçirilir.

Əmirliklər, İspaniya, Braziliya, Ərəbistan, İran, Amerika, Paraqvay və Yaponiya komandaları bu yarışlarda iştirak edirlər.

İran yığması yarışların ikinci qrupunda Yaponiya, Paraqvay və Amerika ilə eyni qrupdadır.