İngiltərə Premyer Liqasında XXVI tura yekun vurulub. Turun ən mühüm matçında "Liverpul" ənənəvi və əzəli rəqibi "Mançester Yunayted"ə 7 cavabsız qolla qalib gəlib.

SəhərAzəri-nin məlumatına əsasən, Bu, "Liverpul"un "Mançester Yunayted"ə qarşı tarixində ən böyük qələbəsi idi və "Yunayted"in son həftələrdə yaxşı nəticələr əldə etdiyi və Liqa Kubokunu (Carabao Kuboku) qazandığı bir şəraitdə əldə edildi.

"Liverpul"un misirli hücumçusu Məhəmməd Salah bu matçda vurduğu iki qolla Robbi Faulerin 127 qol rekordunu geridə qoyub və Premyer Liqada "Liverpul" tarixinin ən yaxşı bombardiri oldu.

Bu qələbə ilə "Liverpul" 5-ci pilləyə yüksəlib. "Mançester Yunayted" isə 3-cü sırada qərarlaşıb. Turnir cədvəlinə "Arsenal" başçılıq edir. "Mançester Siti" isə ikincidir.