HƏMAS: “Raketlərimiz İsrail rejiminin mühüm hədəflərinə yönəlib”
Fələstin HƏMAS hərəkatı Qüdsdə baş verən hadisələrə cavab olaraq, Qəzza zolağındakı müqavimət qruplarını hazır vəziyyətdə olmağa və raketləri İsrail rejiminin həyati əhəmiyyətli hədəflərə yönəltməyə çağırıb. HƏMAS aprelin 25-i Fələstin qruplaşmalarının birləşərək İsrail rejiminin işğalına qarşı vahid səhra komandanlığı yaradılmasının zəruri olduğunu açıqlayıb.
SəhərAzəri:"Deyerler.org"un Qərbi Asiya KİV-nə istinadən verdiyi xəbərə görə, HƏMAS bütün fələstinliləri Qüdsün köhnə hissəsinə toplanmağa və Əqsa məscidində və onun ərazisində namaz qılmağı tələb etməyə çağırıb. HƏMAS açıqlamasında, İordan çayının qərb sahilində və Fələstinin işğal etmiş ərazilərində yaşayan fələstinliləri Məscidül-Əqsaya gəlməyə və İsrail rejiminin nəzarət məntəqələrinin qarşısında, Qüdsə daxil olmağa əngəllədikləri üçün namaz qılmağa çağırıb. "Ölkədəki və xaricdəki fələstinliləri, eləcə də Ərəb və İslam ümmətini, Qüds sakinlərinin döyüş meydanında tək olmadığını sionist düşmənə sübut etmək üçün hər vasitə ilə Qüds qiyamı münasibətilə həmrəylik elan etməyə çağırırıq", - deyə HƏMAS sözçüsü bildirib.
