Qərb sahilində fələstinli şəhid üçün möhtəşəm dəfn mərasimi keçirilib
İordan çayının şimalında yerləşən Cenində minlərlə fələstinli şəhid "Məhəmməd Zəkarnə"nin dəfn mərasimində iştirak edib.
SəhərAzəri-nin məlumatına əsasən, Fələstinli gənc Məhəmməd Zəkarnə sionist hərbçilərin Təl-Əvivdəki şəhadətsevər əməliyyatın icraçısı Rəəd Hazimin anası və qardaşını həbs etmək üçün ötən bazar günü Cenin şəhərinə basqını zamanı onların atəşaçması nəticəsində şəhid olub.
Minlərlə fələstinlinin qatıldığı dəfn mərasimi bazar ertəsi Cenin Dövlət Xəstəxanasından başlayıb və çəhidin cənazəsi şəhər qəbiristanlığında dəfn edilib.
Mərasimdə iştirak edən fələstinlilər sionist rejimin cinayətlərinə cavab tələb ediblər.
Fələstinli gənclər sionist hərbçilərin əraziyə hücumlarının qarşısını almaq üçün Ceninə gedən yolları daşlarla bağlayıblar.
Sionist hərbçilərin Ceninə davamlı hücumları və bu bölgədə bir neçə fələstinlinin şəhid edilməsindən sonra şəhərdə ümumi matəm elan edilib.
Bir neçə sionistin məhv olunması və ya yaralanması ilə nəticələnən Rəəd Hazimin Təl-Əvivin mərkəzindəki silahlı əməliyyatından sonra sionist hərbçilərin Qərb sahilinin müxtəlif bölgələrinə, o cümlədən Ceninə hücumları artıb və bu hücumlarda onlarla fələstinli öldürülüb və ya yaralanıb.
