İtalyan jurnalist: "Tottenhem" iranlı Taremi ilə şifahi razılığa gəlib
Avq 08, 2023 16:25 Asia/Baku
İtalyan jurnalist Nikolo Şira bildirib ki, İran milli futbol komandasının hücumçusu Mehdi Taremi “Tottenhem” klubu ilə şifahi razılığa gəlib, amma rəsmi müqavilə hələ yekunlaşdırılmayıb.
O, bazar ertəsi Twitter hesabında yazıb: “Mehdi Tareminin 25 milyon avroya “Portu”dan “Tottenhem”ə transferi ilə bağlı danışıqlar gedir. Hücumçu ilə klub arasında 2026-cı ilə qədər müqavilə üçün prinsipial razılaşma var".
Tottenhem və Portu, Harry Keynin gələcəyi ilə bağlı qeyri-müəyyənlik fonunda Mehdi Tareminin Londona köçürülməsi ilə bağlı danışıqlara başlayıblar.
2020-ci ildə “Rio Ave”dən “Portu”ya gedən Taremi keçən mövsüm 51 matçda 31 qol və 14 məhsuldar ötürmə ilə fərqlənib.
