Fələstin İslami Cihad Hərəkatı:
"Sionistlərin cinayətləri fələstinlilərin iradəsini qıra bilməyəcək"
Fələstin İslami Cihad Hərəkatı sionist rejimin İordan çayının qərb sahilinin müxtəlif bölgələrində işğal olunmuş İordan çayının qərb sahilinin şəhərlərində fələstinlilərə qarşı başlatdığı həbs kampaniyasını pisləyib və vurğulayıb ki, sionistlərin cinayətləri fələstinlilərin əzmini qıra bilməyəcək.
Sionist hərbçilər bazar günü üç fələstinlini o cümlədən, Fələstin İslami Cihad Hərəkatının lideri Səid Nəxaləni həbs ediblər.
"Fələstin Əl-Youm" internet saytının məlumatına görə, hərəkatın İordan çayının qərb sahilindəki sözçüsü Tariq İzzəddin deyib: "İordan çayının qərb sahilində Fələstin xalqının liderlərini və mücahidlərini səhnədən silmək cəhdi xalq kütlələrinin öz hüquqlarını bərpa etməkdə və vəzifələrini yerinə yetirməkdə davam etməsinə təsir etməyəcək".
O, əlavə edib: "Müqavimət liderlərinin həbsi inqilabın ruhunu canlandırır və əslində bu liderlər Fələstin xalqına cihad və müqavimət yolunda örnək olacaqlar".
İzzəddin İordan çayının qərb sahili və Qüdsdəki Fələstin xalqının səbirli kütlələrini müxtəlif mövcud vasitələrdən istifadə edərək, torpaqlarını və hüquqlarını müdafiə etmək üçün toqquşma və mübarizə yolunu davam etdirməyə və işğalçı rejimin artan cinayətləri və təcavüzlərinə son qoymağa çağırıb.
Bundan əvvəl də Fələstinin müqavimət qrupları sionistlərin İordan çayının qərb sahilindəki son vəhşiliklərinə cavab olaraq, bildirmişdilər ki, "hərtərəfli müqavimət" sionist düşmənə qarşı yeganə çəkindirici variantdır.
