Fələstin XİN: "Şəhidə Əbu-Aqilənin cənazəsinə hücum dövlət terrorizmidir"
Fələstinin Xarici İşlər Nazirliyi İsrailin fələstinli jurnalistin dəfn mərasiminə hücumunu pisləyib və bu cinayəti mütəşəkkil dövlət terrorizmi kimi qiymətləndirib.
SəhərAzəri-nin məlumatına əsasən, Fələstinin Xarici İşlər Nazirliyi bəyanat yayaraq, bildirib ki, sionist rejim nəinki Əl-Cəzirə telekanalının jurnalisti Əbu-Aqləni tam soyuqqanlıqla şəhid edib, hətta onun cənazəsini dəfn olunana qədər izləyib.
Bəyanatda əlavə edilib: "İsrail rejimi fələstinli jurnalistin xalqın əlləri üzərində olan tabutundan da qorxur".
Fələstinin Xarici İşlər Nazirliyi İsrail rejimini insan haqlarını pozan və Fələstin xalqına qarşı gündəlik cinayətlər törədən, üsyankar, işğalçı, aparteid və repressiv rejim kimi xarakterizə edərək, İsrailin boykotdan başqa heç bir yolla islah olmayacağını vurğulayıb.
