Nablus toqquşmalarında 240-dan çox fələstinli yaralanıb
Nablus şəhərində, fələstinlilərlə sionistlər arasında baş verən toqquşmalarda 240-dan çox fələstinli yaralanıb.
SəhərAzəri-nin məlumatına əsasən, Fələstin Qızıl Aypara Cəmiyyəti bir bəyanatda bildirib ki, İordan çayının qərb sahilindəki Nablus şəhərinin şərqində, fələstinlilərlə sionistlər arasında baş verən qarşıdurmalar zamanı 241 fələstinli ağır yaralanıb.
Fələstin Qızıl Aypara Cəmiyyətinin bəyanatında deyilir: "Sionist rejim hərbçiləri Nablusda fələstinlilərlə toqquşduqdan sonra onları gözyaşardıcı qaz və həqiqi güllələrlə hədəfə alıblar ki, nəticədə yaralılardan bir neçəsinin vəziyyəti ağırdır".
Daha əvvəl fələstinli mənbələr bildiriblər ki, bu ilin əvvəlindən İordan çayının qərb sahilində 1200-dən çox fələstinli sionistlər tərəfindən həbs edilib.
