Xunta rejiminin Qəzzə hücumundakı tələfatı artır
4 min sionist əsgər əlil olub
7 oktyabrdan bəri davam İsrail-Qəzzə sektoru döyüşləri zamanı 4 min İsrail hərbçisi əlil qalıb.
Bu barədə İsraildə ibrani dilində fəaliyyət göstərən “Valla-Nyus” saytı məlumat dərc edib.
Qeyd edilib ki, bu rəqəm 30 minədək arta bilər.
Bildirilib ki, 7 oktyabrda başlayan döyüşlər “İsraili elə bir müharibəyə sövq edib ki, daha öncə bu qədər yaralı sayı ilə üzləşməyib“, lakin daha mühüm olanı budur ki, yaralılar arasında “ağır yaralıların” sayı da çoxdur.
Əlavə edib ki, İsrail ordusu öz itkiləri barədə məlumatı açıqlamır.
Bununla belə İsrail Ordusu Əlilləri Təşkilatının sədri İdan Kaliman eturaf edib ki, çox sayda hərbçi amputasiya olunub, kor və ya iflic olmuş yaralılar var.
Bu məlumata görə, İsrail ordusu hələ də yaralılarının sayı barədə ictimaiyyətə real və dəqiq məlumat vermək istəmir, çünki bunun ordunu ruhdan salacağından narahatdır.
