Kürd qüvvələr İŞİD-in Suriya və Türkiyə arasında gediş-gəliş üçün istifadə etdiyi tunellər şəbəkəsini aşkar edib.

Əl-Aləm kanalının məlumatına görə, kürdlər Suriyanın Rəqqə vilayətində yerləşən Təl-Əbyəz şəhərini Türkiyə ilə birləşdirən tunellər kəşf ediblər. Bu tunellərin uzunluğu 100-600 metrdir. Bu tunellər Türkiyənin Ağca Qala şəhərinə çıxır. Bu məlumata görə, İŞİD terrorçuları bu tunellərdən silah və hərbi sursatın daşınması və ya saxlanılması üçün istifadə edirlər.
Hələb şəhərinin ətrafında, Eynül-Ərus kəndinin yaxınlığında da oxşar tunellər aşkar edilib.