Türkiyənin şərqində yol üzərində quraşdırılan bombanın partlaması nəticəsində ən azı 12 Türkiyə hərbçisi yaralanıb.

Səhər Beynəlxalq Televiziyasının Fars Xəbər Agentliyinə istinadla verdiyi məlumata görə, Türkiyənin Muş vilayətinin təhlükəsizlik idarəsi bildirib: Urbayazi kəndi yaxınlığında yol üzərində quraşdırılan bombanın partlaması nəticəsində 12 hərbçi yaralanıb.
Muş vilayəti təhlükəsizlik idarəsi hərbçilərdən birinin vəziyyətinin ağır olduğunu bildirib.
Türkiyə Kürdüstan Fəhlə Partiyası PKK ünsürləri ilə təhlükəsizlik qüvvələri arasında qarşıdurmalar iki ay öncə Türkiyə ordusunun PKK-nın İraqın şimalındakı mövqelərinə hücum etməsindən sonra şiddətlənib.