PKK üzvləri Türkiyənin cənub-şərqində bir daha türk hərbçilərə hücum ediblər.

Anadolu İnformasiya Agentliyinin verdiyi məlumata görə, Türkiyə ordusu qüvvələri Diyarbəkir vilayətində terrror qarşı əməliyyat zamanı PKK üzvlərinin hücumu ilə üzləşiblər. Nəticədə bir hərbçi həlak olub.

Türkiyə ordusunun Müştərək Qərargahı bununla əlaqədar bildirib: Diyarbəkirdə qarşıdurma zamanı bir hərbçi yaralanıb və yaralarının ağırlığı nəticəsində həlak olub.

Təkcə ötən bir həftə ərzində PKK-nın partlayışları və Türkiyə qüvvələri ilə toqquşması nəticəsində ölkənin şərq və cənub-şərq bölgələrində 40-dan çox hərbçi həlak olub.

Türkiyə rəsmiləri PKK-nın tələfatının 2300-dən çox olduğunu bildirirlər.