Türkiyənin məşhur pilotu bu dəfə çevriliş ilə gündəmə gəldi
-
Türkiyənin məşhur hərbi pilotu çevrilişçilər sırasında
Rusiya təyyarəsini vurmaqla məşhurlaşan Türkiyə Hava Qüvvələrinin pilotu bu dəfə dövlət çevrilişinə qatılaraq, gündəmə gəldi.
Rusiyanın Suxoy-24 bombardmançısını vurub yerə salmaqla məşhurlaşmış Türkiyənin F-16 qırıcısının pilotu bu ölkə medialarının bildirdiklərinə görə, dövlət çevrilişinə uğursuz cəhdə qatılanlar arasında olub.
Rusiyanın ikinci telekanalı adı Mustafa Harcuroğlu elan olunmuş bu türkiyəli pilot barədə belə xəbər verib: Türkiyənin Hizmet təşkilatının lideri Fəthullah Gülənin davamçılarından olan və Rusiyanın Suxoy-24 bombardmançısını vurub yerə salmış türkiyəli pilot Türkiyə prezidentinə qarşı uğursuz çevriliş əməliyyatında iştirak edib.
Ankara meri Melik Gökçək də bildirib ki, rus bombardmançısını vurub yerə salmış türkiyəli pilot öz hərəkəti ilə Türkiyəni beynəlxalq sahədə təcrid etməyə çalışıb.
