SAHAR

Kərbəla-Müəllada İmam Hüseyn (ə) Ziyarətgahının İdarə Heyətinin üzvü ötən illə müqayisədə bu il zəvvarların sayının artdığını bildirib.

Livanın əl-Minar televiziyasının məlumatına görə, İmam Hüseyn (ə) Ziyarətgahının İdarə Heyətinin üzvü Əfzəl əl-Şam çərşənbə günü Kərbəlada bu məzlum imamın şəhadətinin ildönümü mərasimində bu müqəddəs məkanı ziyarət etmək üçün 6 milyondan çox zəvvarın gəldiyinə toxunaraq deyib: Bu il İraq və dünyanın 25 ölkəsindən Kərbəlaya gələn zəvvarları qarşılamaq və yerləşdirmək üçün lazımi tədbirlər görülüb. 

İraq hökuməti də ordu, xalq səfəbər qüvvələri və təhlükəsizlik qüvvələrini İraqın müxtəlif bölgələri, xüsusilə də Kərbəlada yerləşdirməklə təhlükəsizliyin qorunması və Aşura mərasiminin daha yaxşı formada keçirilməsi üçün böyük təhlükəsizlik proqramının icra olunduğunu bildirib. 

Xalq səfərbər qüvvələrin komandanlarından biri Kərim əl-Qəzi də bu qüvvələrin Aşura günü mərasimində iştirak edənlərin təhlükəsizliyinin qorunması istiqamətində iştirakına toxunaraq deyib: Zəvvarın canını qorumaq və təhlükəsizliyi tətbiq etmək bu qüvvələr üçün böyük fəxrdir. 

Həmçinin Kərbəla vilayəti rəsmiləri vilayətin bütün quru keçidləri və aeroport vasitəsi ilə zəvvarların şəhərə axınının davam etdiyini bildiriblər. 

Hər il Məhərrəm ayı yetişməzdən öncə, İraq hökuməti ehtimal oluan terror aktları qarşısında zəvvarların təhlükəsizliyini qorumaq üçün xüsusi təhlükəsizlik tədbirləri görür.