Netanyahu geri çəkilməli oldu
Sionist rejim baş naziri işğal olunmuş ərazilərin daxili və xaricində geniş etirazlardan sonra dünən gecə Məscidül-Əqsa qapılarının bağlanması qərarından geri dönməli olub.
Qüdsü işğal edən rejim hərbçiləri Benyamin Netanyahunun göstərişi əsasında cümə günündən Məscidül-Əqsanın qapılarını fələstinli namaz qılanlar və baxış keçirmək istəyənlərin üzünə bağlayıblar.
Netanyahunun bu hərəkəti Beytül-Müqəddəs, Ramullah və digər fələstin bölgələrində geniş etirazlara səbəb olub.
Fələstinli gənclər dünən gecə Məscidül-Əqsaya qarşı hərbi mühasirəni sındırmağa və məscidə daxil olmağa çalışıbalr amma sionist rejim hərbçiləri onları döyərək buna mane olub.
Minlərlə fələstinli də dünən məğrib namazını Məscidül-Əqsanın yaxınlığında qılıblar.
Məscidül-Əqsanın qapılarının bağlanması bir çox müsəlman ölkələr və beynəlxalq təşkilatların rəsmiləri o cümlədən də İranın Xarici İşlər Nazirliyinin sözçüsünün reaksiyasına səbəb olub.
İİR XİN sözçüsü Bəhram Qasimi dünən gecə deyib: Sionist rejimin Məscidül-Əqsanın qapılarını namaz qılanların üzünə bağlaması pislənilir və insan haqları təməl prinsiplərinə ziddir.
Sionist rejimin Qüds və Məscidül-Əqsaya qarşı ekspansionist hərəkətləri elə bir şəraitdədir ki, UNESCO ötən il bir qətnamə qəbul edərək yəhudilərin Qüdsdəki müqəddəs məkanlar xüsusiylə Məscidül-Əqsa ilə hər hansı tarixi və dini yaxud mədəni əlaqəsini rədd etdi və bu məscidin müsəlmanlar üçün müqəddəs məkan olduğunu bildirdi.
