Livan Hizbullahı ABŞ-ın vetosuna reaksiya verib
Dek 20, 2017 15:16 Asia/Baku
Livan Hizbullahı bir bəyanatda ABŞ-ın Qüds barədəki qətnamə layihəsini veto etməsini pisləyib və onu Vaşinqtonun sionist rejimin maraqlarının qorunmasına olan daimi öhdəliyinin nişanəsi adlandırıb.
Livan Hizbullahı dünən gecə yayılmış bu bəyanatda bildirib ki, Amerikanın vetosu BMT Təhlükəsizlik Şurasının bütün üzvləri qarşısında həyasızcasına və təkəbbürcəsinə bir hərəkətdir.
Livan Hizbullahı həmçinin fələstinlilərdən, ərəb və müsəlman xalqlarından, eləcə də bütün dünya azadələrindən istəyibdir ki, Amerikanın Qüds barədəki hərəkətinə qarşı xalq etirazlarını genişləndirsinlər.
