SAHAR

Sionist rejimin baş naziri Polşa dövlətinin bu ölkənin holokostdakı rolundan danışmağı qadağan edən və cinayət sayan qətnamə layihəsinə reaksiya verib.

Sionist rejimin baş naziri twitter-dəki şəxsi səhifəsində yazıb: Bu layihə əsassızdır və mən kəskin şəkildə onunla müxalifəm. Tarixi dəyişmək və holokostu inkar etmək olmaz.

Polşa parlamenti cümə günü bir layihəyə səs verdi ki, ona əsasən, Polşa vətəndaşlarının holokostda əllərinin olmasından danışmaq qanunsuzdur və bu haqda danışacaq şəxs üçün nağd cəriməyə və hətta üçillik həbsə gətirib çıxara bilər.

Bu qanuna görə, nasistlərin cinayətlərini Polşaya aid edən "Polşa ölüm düşərgələri" kimi ifadələrdən istifadə cinayət sayılacaq və üçillik həbsə gətirib çıxara bilər. Bu qanun həm polyaklara, həm də xarici vətəndaşlara şamil olur.

Sionist rejim dairələrində hiddətə səbəb olmuş bu qanuna əsasən, holokost daxil olmaqla nasistlərin Polşada törətdikləri bəşəriyyətə qarşı cinayətlərdə bu ölkəni müqəssir biləcək kəsləri həbs gözləyir.

Sionist rejimin xarici işlər nazirliyi bununla bağlı Polşanın Təl-Əvivdəki səfirinin müavini Yatsek Hodoroviçə etiraz edibdir.