İraq Türkiyənin Bağdaddakı səfirini ölkənin şimalına endirilən hava zərbələrinə görə Xarici İşlər Nazirliyinə çağırıb.

SəhərAzəri Sumariya-a istinadla xəbər verir, bu barədə İraqın Xarici İşlər Nazirliyindən məlumat verilib.

Bildirilib ki, İraq tərəfinin etirazının çatdırılması üçün Türkiyənin səfiri Fatih Yıldız bu gün XİN-ə çağırılıb.

Qeyd edək ki, ötən gün Türkiyə Hava Qüvvələrinin hərbi PUA-ları İraqın şimalında Sidkan bölgəsinə hava zərbələri endiriblər. Bu hava zərbələri nəticəsində ikisi yüksək rütbəli zabit olmaqla İraq Ordusunun 3 hərbçisi həlak olub.