Livanda yeni hökumətin qurulmasının sürətləndirməsinə təkid edilib
Livanın parlament fraksiyaları yeni baş nazirlə məsləhətləşmələrdə Livanın qarşıdakı böhrandan xilas olması üçün yeni hökumətin qurulmasının sürətləndirilməsi vacibliyini vurğulayıblar.
SəhərAzəri-nin məlumatına əsasən, baş nazirin səlahiyyətləri ona tapşırılmış Nəcib Miqati gələcək kabinetin forması və quruluşu barədə parlament üzvlərinin fikirlərini və rəylərini öyrənmək üçün onların bir neçəsi ilə məsləhətləşmələr aparıb.
Livan parlamentinin fraksiyaları bu görüşdə, yeni nazirlər kabinetinin qurulmasını sürətləndirməyə və tayfa qaydalarından azad bir seçki qanununun qəbul edilməsinə çağırıblar.
Bu məsləhətləşmələrdən sonra Miqati bir mətbuat konfransında deyib: "Uzun müddət səhnədən uzaq olduqdan sonra yeni hökumətin qurulması ilə yenidən öz fəaliyyətini və rolunu davam etdirəcək".
Livanın Hizbullah parlament fraksiyasının rəhbəri Məhəmməd Rəəd də qeyd edib ki, "Müqavimətə Sadiq" fraksiya ölkəni xilas etmək üçün yeni hökumətin qurulmasını sürətləndirməkdə ciddi əməkdaşlığını vurğulayır.
Ötən çərşənbə axşamı günü də Əməl və Hizbullah hərəkatları birgə bəyanat yayaraq, yeni hökumətin qurulmasının sürətləndirilməsinin Livanda çöküşün qarşısını almaq və məişət problemlərini həll etmək üçün zəruri bir başlanğıc olduğunu vurğuladılar.
"Najib Miqati" bazar ertəsi günü Livan parlamentində 72 deputatın dəstəyini qazanaraq, yeni baş nazir təyin edilib.
Livan son illərdə ciddi iqtisadi böhran və məişət problemləri ilə üzləşib.
