Məhərrəmulhəram ayının ilk gecəsində Həzrət Əba Əbdillah Əl-Hüseyn(ə) və Həzrət Əbəlfəzl Əl-Abbas(ə)-ın ziyarətgahlarının bayraqlarının dəyişdirilməsi mərasimi keçirilib.

SəhərAzəri-nin məlumatına əsasən, Şəhidlər Ağası və sərkərdəsi Həzrət İmam Hüseyn(ə) və onun vəfalı qardaşı Həzrət Əbəlfəzl Əl-Abbas(ə)-ın ziyarətgahlarının bayraqlarının dəyişdirilməsi mərasimi dünən gecə pak hərəmlərin səhnləri və ətrafında, minlərlə Hüseyni əzadarının iştirakı ilə keçirilib.

Bu tədbir hər il məhərrəmulhəram ayının ilk gecəsində keçirilir və məhərrəm ayının matəm bayrağı səfər ayının sonunadək qırmızı bayrağın yerini tutacaq.