SAHAR

Fələstinli mənbə sionist hərbçilərin atəşilə İordan çayının qərb sahilində fələstinli bir gəncin şəhid edilməsindən xəbər verib.

SəhərAzəri-nin məlumatına əsasən, Fələstin səhiyyə nazirliyi bu gün səhər saatlarında on yeddi yaşlı Şövkət Kamal Abidin Ceninin şimal-qərbində şəhid edildiyini bildirib. Qeyd edib ki, sionist rejim ordusunun işğal olunmuş Fələstin ərazilərinə qarşı ardıcıl basqınları ilə bu fələstinli gənc qəsbkar qüvvələr tərəfindən atəşə tutulub. Müalicə üçün Cenindəki İbn Sina xəstəxanasına köçürülən bu gənc xəstəxanada şəhid olub.

Cari il aprel ayının əvvəlindən sionist hərbçilərin atəşlərilə İordan çayının qərb sahilində şəhid edilmiş fələstinli şəhidlərin sayı on yeddi nəfərə çatıb.