Rəfəhə hücum altında sionist rejimlə hər hansı müzakirə mümkün deyil
May 29, 2024 12:31 Asia/Baku
Fələstin İslami Müqavimət Hərəkatı- Həmas dünən gecə Rəfəhə hücum altında sionist rejimlə hər hansı müzakirəni rədd edib.
Həmas liderlərindən olan Basim Nəim bu haqda belə deyib: Müqavimət/ sionist düşmənin Fələstin xalqına qarşı planlarını qurmaq və vaxt qazanmaq üçün danışıqlardan bir vasitə kimi istifadə etməsinə/ əsla yol verməyəcək.
O, söyləyib: Bizim üçün önəmli olan məsələ, soyqırım və kütləvi qırğın qarşısında xalqı müdafiə etməkdir. Hal-hazırda da heç bir tərəf bizimlə əlaqə saxlamayıb və müzakirə haqda heç bir yeni təklif də təqdim olunmayıbdır.
Bu Həmas rəsmisi əlavə edib: İşğalçıların Rəfəh keçidini qəsb etdikləri və öz nəzarətlərinə aldıqları bir halda, yeni danışıqlara girmək mümkün deyildir.
