Qəzzə ilə bağlı dəhşətli hesabat:
İsrailin hava hücumları nəticəsində 7820 cəsəd əriyib
Qəzzədə Mülki Müdafiə Təşkilatı bildirib ki, sionist rejimin hücumları və bombardmanları zamanı 7 min 820 cəsəd əriyib.
Qəzzədə Mülki Müdafiə Təşkilatının məlumatına görə, sionist rejimin hücumları və bombardmanlarının hədəfi olan ərazilərdə 7 min 820 cəsəd buxarlanıb. Bu, 2023-cü ilin oktyabrında təcavüzün başlanmasından bəri Zolaqdakı şəhidlərin 10 faizini təşkil edir.
Təşkilatın məlumatına görə, bu cəsədlər sionist rejim ordusu tərəfindən istifadə olunan partlayıcıların gücü və miqdarı səbəbindən əriyərək, tamamilə və ya qismən yoxa çıxıblar.
Məlumatda sionist rejimin hücumlarının 10 faizinin şəhidlərin cəsədlərin buxarlanmasına səbəb olduğu və xilasetmə qruplarının cəsədlərin hissələrini toplaya bilmədiyi bildirilib.
Eyni zamanda Qəzzədə qurbanların çoxunun cənazələrinin hələ də dağıntılar altında qaldığı bildirilir.
Qəzzə zolağındakı tibb mənbələri də son 24 saat ərzində İsrail rejiminin Zolağa vəhşi hücumları nəticəsində ən azı 22 fələstinlinin şəhid olduğunu açıqlayıblar.
Digər tərəfdən, işğalçı rejimin döyüş təyyarələri Qəzzə şəhərinin cənub-şərqində yerləşən Əl-Zeytun məhəlləsində bir yaşayış binasını, həmçinin Qəzzənin qərbində Əl-Kənz məscidi yaxınlığındakı yaşayış məntəqələrini hədəfə alıblar.
Sionist rejim hərbçiləri İyordan çayının qərb sahilində də cinayətlərini davam etdirirlər. Onlar Əl-Xəlilin qərbində yerləşən Əzna qəsəbəsinə basqın edərək, fələstinlilərə qarşı səs bombaları və gözyaşardıcı qazlardan istifadə ediblər.
