Sionist hərbçilər Qəzzə zolağından geri çəkilirlər
İnformasiya mənbələri sionist rejim ordusunun bəzi bölmələrinin, o sıradan Nahal briqadasının 932-ci batalyonunun və 84-cü Givati briqadasının Qəzzə zolağından geri çəkildiklərini bildiriblər.
Sionist rejim radiosu xəbər veribdir ki, Nahal briqadasının 932-ci batalyonu bufer zonaya köçürülüb. Sionist rejim ordusunun 84-cü Givati briqadası da 470 gündən sonra Qəzzə zolağından geri çəkilibdir.
Sionist rejimin bəzi medialarının məlumatlarına görə, 84-cü Givati briqadasına Qəzzədən geriçəkilmə barədə heç bir göstəriş verilməyib və bu addım könüllü surətdə briqada komandirləri tərəfindən atılıbdır.
İbridilli mənbələr dünən səhər saatlarında Nahal briqadasının Qəzzə zolağının şimalında yerləşən Beyt-Hanun bölgəsindən geri oturduğunu xəbər vermişdilər. Belə bir halda, Qəzzədə atəşkəsin icra edilməsi ərəfəsində sionist rejimin hərbi təyyarələri Qəzzə zolağının şimalına hücum ediblər.
Bu xəbəri yayan fələstinli mənbələr həmçinin xəbər veriblər ki, sionist hərbçilər Qəzzə zolağının mərkəzində qərar tapan Əlnusəyrat düşərgəsinin şimalındakı bir yaşayış binasını dağıdıblar.
Digər tərəfdən, sionist rejim ordusunun qırıcıları Qəzzə şəhərinin cənubundakı Zeytun məhəlləsində yerləşən fələstinli mənzillərini atəşə tutublar.
