Gürcüstanda koronaviorusa görə tətbiq edilən məhdudiyyətlər 6 mərhələdə aradan qaldırılacaq.

APA-nın verdiyi məlumata görə,  bu barədə Gürcüstanın Baş Naziri Giorgi Qaxariya Qurumlararası Koordinasiya Şurasının iclasında bildirib. Onun sözlərinə görə, aprelin 27-də başlanacaq ilk mərhələdə ölkə ərazisində avtomobillərin hərəkəti və taksi fəaliyyəti bərpa ediləcək, onlayn qaydada topdan və pərakəndə satış, həmçinin aqrar tipli bazarların fəaliyyəti bərpa ediləcək.

Məhdudiyyətlərin götürüləcəyi sonuncu-altıncı mərhələdə isə əyləncə və istirahət mərkəzlərinin, idman zallarının,  hotellərin, təhsil müəssisələrinin fəaliyyətinə icazə veriləcək.

Giorgi Qaxariya qeyd edib ki, mərhələlərin tətbiqi arasında 2 həftə interval olacaq.