covid-19 meydan oxuyur
Ermənistanda ilk dəfə koronavirusa yoluxmuş 4 yaşlı uşaqda Kavasaki sindromu qeydə alınıb
İyun 03, 2020 14:10 Asia/Baku
Ermənistanda ilk dəfə koronavirusa yoluxmuş 4 yaşlı uşaqda Kavasaki sindromu qeyd alınıb.
SəhərAzəri Trend-ə istinadən xəbər verir, bunu ölkənin səhiyyə naziri Arsen Torosyan deyib.
O bildirib ki, uşağın vəziyyəti orta ağır olaraq qiymətləndirilir.
Qeyd edək ki, Kavasaki sindromu uşaqlarda çoxsistemli iltihab sindromuna bənzər simptomlarla keçir. Bunlar arasında yüksək temperatur, qusma, qarın ağrısı, səpmə kimi simptomlar yer alır.
Koronarivus pandemiyası fonunda Kavasaki sindromundan ilk uşaq ölümü mayın 7-də Fransada qeydə alınmışdı.
Bundan başqa, son sutka ərzində Cənubi Koreyada iki uşaqda, 11 yaşlı oğlan və 4 yaşlı qızda Kavasaki sindromu aşkar edilib.
