Ermənistanda koronavirusa yoluxanların sayı 36 mini ötdü
İyul 23, 2020 10:59 Asia/Baku
Ermənistanda daha 469 nəfərdə koronavirus aşkarlanıb.
SəhərAzəri Report-a istinadla xəbər verir ki, məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.
Bununla da Ermənistanda virusa yoluxanların sayı 36 162-yə yüksəlib.
Qeyd olunub ki, ölkədə pandemiyadan ölənlərin sayı daha 10 nəfər artaraq 688-yə çatıb. İndiyədək 25 244 nəfər infeksiyadan sağalıb.
Hazırda Ermənistanda 10 032 aktiv koronavirus xəstəsi var.
Qeyd edək ki, ötən gün Ermənistanda 439 yoluxma və 16 ölüm faktı qeydə alınmışdı.
