Gürcüstanda işsizlik səviyyəsi ötən illə müqayisədə 7 faiz artıb
Noy 19, 2020 22:29 Asia/Baku
Gürcüstanda işsizlik səviyyəsi əvvəlki aylara və 2019-cu ilin 9 ayı ilə müqayisədə 7 faiz artıb. Cari ilin III rübündə Gürcüstanda işsizlik səviyyəsi 11,9 faiz təşkil edib.
SəhərAzəri Azərtac-a istinadən xəbər verir ki, bu barədə ölkənin Milli Statistika İdarəsindən məlumat verilib.
Bildirilib ki, bu göstərici 2019-cu ilin eyni dövrünə nisbətən 7 faiz bəndi çoxdur.
Hesabat dövründə şəhər yerlərində işsizlik 18,8 faiz, kənd yerlərində isə 4,8 faiz olub.
Kişilər arasında bu göstərici 13,9 faiz, qadınlar arasında isə 9,4 faiz təşkil edib.
