Ermənistan PUA düzəldəcək
Azərbaycan Respublikası ordusunun Ermənistan üzərindəki üstünlüyü və bu ölkənin son savaşdakı PUA kəsərliliyi, Ermənistanı geridəqalmanın əvəzini çıxaraq, pilotsuzlar düzəltmək və bu sahədə lazım olan qüvvələr yetişdirmək niyyətinə düşməsinə məcbur edib.
SəhərAzəri xəbər verir ki, Fars informasiya agentliyinin Bakı və İrəvan medialarına istinadlı məlumatına görə, son 44 günlük döyüşlərdə Azərbaycan Respublikasının Ermənistan üzərindəki hərbi üstünlüyü və bu ölkənin PUA bölməsinin uğurunun ardınca indi Ermənistan pilotsuzlar düzəltmək və bu sahədə lazım olan qüvvələr yetişdirmək niyyətinə düşüb.
Bununla bağlı, Ermənistanda PUA düzəltmə proqramının rəisi Sedrak Vartanyan dünən deyib ki, ölkə səviyyəsində bu sahədə yeni mərkəzlər yaradılacaq.
Həmin erməni rəsminin sözlərinə görə, bu,/ pilotsuzların dizaynı və istiqamətləndirilmələri üzərində təmərküzləşmiş proqram olacaq və həmin sahədə ölkənin bütün imkanlarından istifadə olunacaq.
O, deyib: Son döyüşlər göstərdi ki, Ermənistan hərbi texnologiya baxımından geridə qalır.
Ermənistan Respublikasının bir rəsmisi son zamanlar iddia etmişdi ki, Azərbaycan Respublikasının prezidenti Ermənistan başçılarını Türkiyə istehsalı olan «Bayraqdar» pilotsuzları ilə onlara hücum edəcəyi ilə hədələmişdi.
Belə bir halda, medialar son zamanlar PUA operatorları olan Azərbaycan Respublikası hərbi hava qüvvələrinin yetmiş iki üzvünün Türkiyədə təlim keçməsindən xəbər verdilər.
Türkiyə istehsalı olan «Bayraqdar» pilotsuzları son döyüşlərdə Azərbaycan Respublikasının Ermənistan üzərindəki hərbi üstünlüyündə mühüm rol oynayıblar.
