Ermənistanda hakim partiyanın erkən seçkilərdə Baş nazir postuna namizədi Nikol Paşinyan olacaq.

SəhərAzəri xəbər verir ki, bu barədə Ermənistanın ədliyyə naziri Rüstəm Badasyan parlamentdə jurnalistlərə açıqlamasında bildirib.

“Düşünürəm ki, sualın cavabı aydındır. Heç bir müzakirəyə qatılmadım və idarə heyətinin üzvü deyiləm, amma cavab aydındır”,- deyə o qeyd edib.

Onun sözlərinə görə, hər şey vətəndaşların seçimindən asılı olacaq, belə ki, hakimiyyət onlara bu fürsəti tanımalıdır.

Xatırladaq ki, Ermənistanın parlament qüvvələrinin və siyasi partiyalarının konsensusundan sonra ölkədə iyunun 20-də növbədənkənar parlament seçkiləri keçiriləcək.