Ermənistan ordusunun ikinci Qarabağ müharibəsində məhv edilmiş daha bir hərbi qulluqçusunun meyiti Azərbaycan tərəfindən bu ölkəyə təhvil verilib.

SəhərAzəri Ermənistan mətbuatına istinadla xəbər verir ki, meyitin şəxsiyyətinin müəyyənləşdirilməsi üçün məhkəmə-tibbi ekspertizası təyin ediləcək.

Bununla da 2020-ci ilin 13 noyabrından Qarabağda aşkarlanan itkin erməni hərbi qulluqçuların sayı 1 552 nəfərə çatıb.

Artıq bir neçə aydır ki, erməni hərbçilərin ailələri onların taleyinin müəyyən edilməsi üçün aksiyalar keçirirlər. 

Baş nazir Nikol Paşinyan müharibədə 4 mindən çox əsgər və zabitin öldüyünü bir müddət əvvəl təsdiqləmişdir.