Ermənistanla Türkiyə arasında uçuşlar bərpa olunur
Türkiyəyə uçuşları “Flyone Armenia” həyata keçirəcək
Dek 21, 2021 13:47 Asia/Baku
“Flyone Armenia” 2015-ci ildən sonra Türkiyəyə uçuşlar həyata keçirəcək ilk Ermənistan aviaşirkəti olacaq.
SəhərAzəri-nin məlumatına əsasən,bu barədə “Sputnik Armenia” Ermənistanın Mülki Aviasiya Komitəsinə istinadən məlumat yayıb.
“Flyone Armenia” aviaşirkəti daha əvvəl də İstanbula uçuşlar həyata keçirmək niyyətində olduğunu bəyan edib.
Xatırladaq ki, bir müddət öncə Türkiyənin xarici işlər naziri Mövlud Çavuşoğlu Türkiyə ilə Ermənistan arasında uçuşların təşkil olunmasının mümkünlüyünün nəzərdən keçirildiyini bildirib. Eyni zamanda, hər iki ölkə dialoqa başlamaq üçün qarşılıqlı olaraq xüsusi nümayəndələr təyin edib.
