SAHAR

Gürcüstanın Baş naziri İrakli Qaribaşvili Gürcüstanın Avropa İttifaqına (Aİ) üzvlük ərizəsini imzalayıb.

SəhərAzəri-nin məlumatına əsasən, baş nazir İrakli Qaribaşvili xalqa müraciətində bu günü Gürcüstan üçün tarixi gün adlandırıb: “Aİ-yə üzvlük üçün müraciət etmək Gürcüstanın Avropaya inteqrasiya yolunda mühüm bir addım, tariximizin yeni səhifəsini açan bir mərhələdir”, - İrakli Qaribaşvili vurğulayıb.

Qeyd edək ki, Gürcüstan Aİ-yə üzvlük üçün sürətləndirilmiş namizəd statusu almaq məqsədi ilə müraciət sənədini bu gün ittifaqın strukturlarına təqdim edəcək.